Cesta
0
0,00 €
Paso a paso: Rutina Facial
28.10.2020
¿Qué uso para desmaquillarme? ¿Cando se bota o sérum? ¿Hai qué utilizar protección solar?
A orde de produtos durante a rutina facial é unha incógnita para moitos, así que hoxe imos coñecer os pasos e a utilidade de cada produto.
1. Limpeza
O primeiro paso en calquera rutina facial é a limpeza. Imprescindíbel para eliminar restos de maquillaxe, cremas, polución, etc.
Si estás maquillada, o primeiro a facer será desmaquillar a pel, para esta fin podes empregar leite limpadora, bálsamo, auga micelar, aceite,... Escolle o produto máis axeitado para o teu tipo de pel e maquillaxe (por exemplo usa un desmaquillante de aceite si levas produtos waterproof).
A segunda parte será unha limpeza máis profunda, para esto utiliza un xel ou aceite limpador.
Podes ver os produtos para a limpeza facial aquí.
- Si a túa pel é mixta, grasa e con tendencia ás imperfeccións podes utilizar un xel exfoliante para realizar unha limpeza máis profunda, esto conseguirá que a pel se vexa máis unificada, suave e luminosa. Faino entre 1 e 3 veces por semana.
- Non exfolies a pel nas dúas rutina do día.
- Para a limpeza podes empregar discos de algodón, toalliñas/manoplas de microfibra, esponxa, cepillo facial,... Podes ver os anexos aquí.
- De vez en cando utiliza mascarillas, escolle unha indicada para as necesidades da túa pel: para eliminar puntos negros, purificantes,... Podes ver as mascarillas aquí.
2. Tonificación
O tónico ten como función pechar os poros, equilibrar pH, refrescar e preparar a pel para o posterior tratamento.
A súa aplicación pode realizarse cun disco de algodón ou directamente coas mans. Faise dando toques suaves sobre a pel.
Podes ver os produtos para a tonificación facial aquí.
- Elixe o tónico axeitado para o teu tipo de pel.
- Evita aplicar o tónico no contorno dos ollos e pálpebras.
3. Hidratación
O terceiro e último paso é a hidratación da pel e para isto utilízanse diferentes produtos según a zona da cara e necesidades.
3.1. Mascarillas, aceites, sérum e ampollas.
Comezase cos produtos máis concentrados e de fórmula lixeira: mascarillas, aceites, ampollas e sérums. Este tipo de cosméticos son tratamentos de alta concentración de principios activos. Reforzan e aumentan a efectividade dun tratamento pero non sustitúen á crema hidratante.
Hai sérums, mascarillas e ampollas con diferentes finalidades: antimanchas, iluminadores, reafirmantas, anti engurras,... Debes seleccionar o indicado para o teu tipo de pel.
Sigue as indicacións de uso que marca o fabricante. Recorda que é importante que a pel absorba todo o produto, podes axudar cun rodillo de jade ou masaxeando coas mans.
Podes ver mascarillas faciais aquí. Podes ver sérums, aceites, ampollas aquí.
3.2. Contorno de ollos e beizos.
A partir dos 25-30 anos é recomendábel comezar cos cosméticos para zonas específicas como poden ser o contorno de ollos e beizos. Ambas son zonas moi delicadas e con tendencia a engurras e por iso que necesitan un produto exclusivo.
Ó igual que os sérum, aceites,... estos son tratamentos moi concentrados e cunha finalidade moi específica: para as bolsas, engurras,...
3.3. Crema.
Este é o paso máis coñecido por todxs. Sexa cal sexa a súa finalidade (hidratante, nutritiva, reafirmante, antimanchas,...) as cremas teñen unha fórmula máis densa que os cosméticos citados antes.
A función principal de calquera crema hidratante é evitar que a derme sufra falta de hidratación. A maiores disto, ó escoller a nosa crema hidratante é interesante buscar ingredientes que nos axuden e proporcionen outros efectos que necesita a nosa pel. Por exemplo, si hai problemas de pigmentación, buscar unha crema que nos proporcione un efecto anti - manchas.
- Si estás realizando un tratamento e hai unha liña de produtos, é recomedábel que uses todos da mesma xa que son complementarios.
- Normalmente, as cremas de noite son máis densas que as de día.
- Si estás realizando a rutina facial de día, non te olvides de utilizar protección solar. A súa aplicación debe realizarse despois da crema hidratante e antes de maquillarse.
E ti, sigues todos os pasos da rutina facial? ¿Tes algunha dúbida ou consulta? ¡Pregunta sen compromiso!